Unibertsitateko ikasketak Erresuma Batuan

Britainiar unibertsitateak nazioarteko komunitateak izateaz harro daude, mundu osoko ikasleak jasoz eta haiei onura eginez.

Erresuma Batuko unibertsitateetan graduatzen diren ikasleek beste herrialde garatuetan ikasi duten ikasleek baino enplegu-tasa handiagoa dute. Britainiar gobernuak eman dituen 2015. urteko azken enplegu datuen arabera, graduatu diren ikasleen % 86,6 eta graduondoko ikasketak amaitu dituzten ikasleen % 87,3 (21 eta 30 urte bitartekoak) lanean ari dira lanaldi osoan.

#WeAreInternational

 

  • Erresuma Batuko unibertsitate campusetan den bizitza benetan internazionala da, kanpora begira bideratutako kultura batekin. 
  • Britainiar unibertsitateetan diren sei ikasleetatik bat atzerritarra da: 436.585 ikasle inguru!
  • Une honetan, Europar Batasuneko 125.000 ikasle baino gehiago britainiar unibertsitateren batean ikasten ari da: ikasleria osoaren % 5 inguru.
  • Britainiar unibertsitateetan lan egiten duten  langileen % 25 baino gehiago Erresuma Batua ez den beste herrialde batekoa da, hots, 180 herrialde baino gehiago 55.000 aditu.

Garrantzitsua: Gaur egun Erresuma Batuan ikasten ari diren edo 2017. Urtean bere ikasketak hasiko dituzten Europar Batasuneko ikasleek orain arte izan dituzten baldintza berberetan jarraitu ahal izango dute eta finantzaketa berbera jasoko dute.

Graduko ikasketak

Graduko ikasketak

Erresuma Batuak eskaintza handia eta zabala duela gogoratu behar da. Unibertsitate bakoitzak bere gradu-programa propioak garatzen ditu eta onarpen baldintza propioak ere dituzte.

Britainiar unibertsitateek  espainiar batxilergoko notak onartzen dituzte. Beraz, zure nahietara hobekien egokitzen den gradua bilatu eta ziurtatu zure batxilergoko notekin sartzeko aukera izango duzun ala ez.

Gogoratu hainbat gradu ikasketetan Foundation courses delakoen bidez sartzeko aukera izan dezakezula. Horiek gradu aurreko urtebeteko ikastaroak dira eta ikasleei aukeratu duten ikasketa alorrean duten gaitasunak eta ezagutza garatzeko aukera ematen die. 

Unibertsitateetako web orrialdeetan beharrezkoa duzun informazio guztia aurkituko duzu. Ikastaroak bila ditzakezu  Study UK-n. Erresuma Batuko gradu ikasketek 3 edo 4 urteko iraupena izaten dute, aukeratutako ikasketa eta unibertsitatearen arabera. Erresuma Batuan ikasi nahi baduzu eta lehen eskuko informazioa lortu nahi baduzu, aukera paregabea izan dezakezu antolatzen dugun gure Feria Educativa Británica en España-n.

Gogoratu graduko programetarako eskaera guztiak  UCAS (Universities and Colleges Admissions Service) izena duen eskaera sistema nagusi baten bidez egin behar direla. Horretarako epea, normalean, urriaren 15ean amaitzen da Oxford-erako, Cambridge-rako eta osasunarekin erlazionatutako programa guztietarako. Beste kasu guztietan epea urtarrilaren 15ean amaitzen ohi da. Dena den, garrantzitsua da aukera guztien informazioa jasotzea!

Graduondoko ikasketak

Erresuma Batuan lortutako graduondo batek zure bizitza profesionalean aldea marka dezake. Graduondo programek zure alorrean espezializatzen eta zure ingeles maila hobetzen lagun zaitzakete.

Tradizionalki, graduondo ikasketetarako eskaera ikasi nahi duzun unibertsitatean egin behar da zuzenean, nahiz eta, gero eta gehiago, unibertsitateek UCAS (Universities and Colleges Admissions Service) erabiltzen duten horretarako.

Gogoratu zure graduongo ikastaroa nola eta noiz eskatu behar duzun egiaztatu beharko duzula. Gure Feria de Educación Británica-n  izaten diren britainiar unibertsitateetako ordezkariek gustura azalduko dizute haien eskaintza. 2017ko gure feriak Madrilen izango dira urriaren 19 eta 20an eta Bartzelonan urriaren 21ean.

Kanpoko estekak

Share this