Espainian ditugun kideen artean gobernu erakundeak, puntako hezkuntza erakundeak eta enpresa liderrak aurkitzen dira. Gure sare globala bezain anitzak dira. British Councilen kideen zerrendaren parte izatera gonbidatzen zaitugu.
HEZKUNTZA
- Espainiako Hezkuntza, Kultura eta Kirola Ministerioarekin egiten dugu lan hezkuntza elebiduna sustatzeko Espainian zehar haur, Lehen eta Bigarren Hezkuntzan. Ekimen aintzindari honek izugarrizko emaitzak eman ditu Espainian. Esteka honetan hezkuntza elebidunan egiten dugun lana eta erabiltzen ditugun metodoen inguruko informazioa aurkituko duzu.
- Hertsiki aritzen gara elkarlanean Espainia osoko gobernu erakunde, unibertsitate eta institutuekin eta baita Merkatal Ganbara eta bestelako enpresa erakundeekin, ingeles klaseak eta ingeles hizkuntzako maila desberdineko ziurtagiriak eskainiz. Kideekin elkarlanean aritzeko aukeretara zabalik gaude, beraz, British Councilarekin elkarlanean aritzeko asmoa baduzu, jar zaitez James Baggesen
-ekin harremanetan james.baggesen@britishcouncil.org helbidera idatziz edo 619 373 756 telefonora deituz..
ARTEAK
- Hay Festival Segovia-rekin egiten dugu lan Erresuma Batuko idazle, antzerkigile, zine zuzendari eta itzal handia duten kazetariak Espainian sona handia duen festibal honetara ekartzeko.
- Kultur erakunde pribatua den La Fábrica-rekin elkarlanean aritzen gara bere jarduera nagusienetako batzuetan, hala nola, 'La noche de los libros' edota 'Photoespaña', aholkularitza lanak eginez eta britaniar idazle eta artista nagusienetako batzuk gonbidatuz. Era berean, La Fábricak sortutako Fundación Contemporánea-rekin ere elkarlanean aritzen gara bere nazioarteko ekimen nagusian: 'Pública, Professional Cultural Management'. Hau urtero burutzen den topaketa da eta, bertan, kultur kudeaketako eta ekonomia sortzaileko esparru desberdinetako adituek sektiore honetan diren arazoetaz eztabaidatzen dute.
- Instituto Nacional de las Artes Escénicas y de la Música (Hezkuntza eta Kultura Ministerioa), la Casa Encendida, Antzeztokien Espainiar Sarea, Institut del Teatre, Herbeheretako Enbaxada eta Kultur Erakundeen Andaluziar Agentziarekin ere lankidetzan aritzen gara. Talde gisa, Gizarte Barneraketa eta Hezkuntza Arte Eszenikoetan oinarritzen den urteroko Konferentzia antolatu izan dugu azken sei urteetan.
- Acción Cultural Española (AC/E) erakundearekin ere lanean aritzen gara Ekintzaile Sortzaile Gazteak (YCE) Sarien antolaketan. Bertan, sormen esparruko espainiar profesioanl gazteak hautatuak izaten dira astebeteko prestakuntza saio berezia izateko lan egiten duten alorretan.
- Azkenik, CCCB erakundearekin egiten dugu lan zenbait literatur jardueretan, bereziki, aski ezaguna den Kosmopolis literatur festibalaren programazioaren prestaketan. CCCB kultura garaikiderako zentroa da eta erakusketak, hitzaldiak, festibalak eta eztabaidak antolatzen dituzten Bartzelonan.