Zer da IELTS One Skill Retake eta nola funtzionatzen du?
IELTS One Skill Retake, proba osoa berriro egin beharrik gabe, nahi duzun nota ateratzen laguntzeko diseinatu den ezaugarri berria da. Probaren atal batean lortutako nota hobetu nahi izanez gero, hizkuntza-gaitasun hori (Listening, Reading, Writing edo Speaking) ebaluatzen duen IELTS probaren atal horretara aurkeztu ahal izango zara.
IELTS One Skill Retake eskuragarri dago:
- IELTS Academic eta General Training ordenagailuan
- IELTS for UKVI ( Academic eta General training) ordenagailuan
IELTS One Skill Retake-ra aurkeztearen onurak
- Hizkuntza-gaitasun bakar batean zentratu: proba espero zenuen bezain ondo atera ez bazaizu, On Skill Retake-ek zure benetako ingeles-maila erakusteko bigarren aukera bat emango dizu proba osoa egin beharrik gabe. Denbora eta dirua aurreztu proba osoa egin beharrean hizkuntza-gaitasun bakar bati dagokion atala bakarrik errepikatuz.
- Jada ezagutzen duzun proba egin: IELTS One Skill Retake-ek ohiko IELTS probaren formatu eta iraupen bera du. Horrek esan nahi du errepikatuko duzun proba ezaguna izango duzula. Hortaz, ez duzu azterketa ezberdin baterako edo ariketa ezberdinetarako zure burua prestatu behar izango.
- Test Report Form berria jasoko duzu: IELTS One Skill Retake proban lortutako emaitza jasotzen duen IELTS Test Report Form berria jasoko duzu. Bertan aurreko proban lortutako beste emaitzak eta horiek HEEMB-arekin duten baliokidetasuna azalduko da. Emaitzek bi urteko balioa izango dute azterketa egin zen egunetik zenbatzen hasita. Data hori ziurtagirian bertan azaltzen da.
- Hasierako azterketan lortu zenituen emaitzek berdin jarraituko dute: Hasierako proban beste hizkuntza-gaitasunen ataletan lortu zenituen emaitzak berdin mantenduko dira. Behin emaitzak jasota, hasierako nota hori erabili ahal izango duzu, hala nahi izanez gero.
Nola erreserbatu IELTS One Skill Retake?
- Proba erreserba dezakezu, duela gutxi ordenagailu bidezko IELTS proba osoa bat egin baduzu.
- IELTS One Skill Retake eskaintzen duen zentro batetik ere jaso behar dituz emaitzak.
- Jatorrizko IELTS proba bakoitzeko hizkuntza-gaitasun bakarra errepikatu ahal izango duzu, betiere, jatorrizko azterketa egin zenetik 60 eguneko epearen barruan.
- One Skill Retake erreserbatzeko, Hautagaiaren Atarian hasi beharko duzu saioa, eta IELTS azterketaren emaitzak bertan ikusiko dituzu. Emaitzetako baten bat hobetu nahi baduzu, "Retake" sakatu errepikatu nahi duzun trebetasunean.