Artearen alorrean burutzen dugun lana Erresuma Batuak artearen diziplina guztietan duen aniztasun kulturala, sormena, berrikuntza eta bikaintasuna atzerrian ezagutaraztera bideratuta dago.
Esparru zabala hartzen dugu gure gain, britaniar talenturik onenekin lan egiten dugularik programa artistikoak garatzeko eta lankidetza aukerak sortzeko.
Britaniar arte eszenikoen onena aurkezten dugu jarduera eta ekintza anitz desberdinen bidez, hala nola, ekoizpen berrien birak, tailerrak eta egonaldiak, mintegiak eta hitzaldiak, erakusketak eta ikasketa bisitak Erresuma Batura atzerriko artistentzat.
Espainiar festibal programatzaileak Edinburgo Festibala bezalako britaniar hitzordu garrantzitsuenetan izateko aukera izan dezaten ere lan egiten dugu. Era berean, programazio artistiko berritzaileen diseinuan festibal eta kultur zentro desberdinei aholkularitza zerbitzua eskaintzen diegu.
Ikusi hemen nazioarte mailan antzerki eta dantzaren esparruetan egiten dugun lanaren inguruko informazioa.
Electronikoa, jazz, tradizionala, folklorikoa, klasikoa edo indie: gure musika lantaldeak britaniar musika alorrean diren genero guztiak jorratu eta espainiar publikoari gerturatzen dizkio.
British Councilek, Radio 3ekin elkarlanean, egungo britaniar musika onena eskaintzen du saio honetan. Astero, The Selector irratsaioak britaniar musika ekoizpenaren azkena aurkezten du, bereziki, nazioarte mailan arrakasta lortzen eta goraka ari diren taldeak.
Entzun eta izena eman bere podcastean hemen.
Ezagutu hilero The Selector-eko erredakzioak hautatzen dituen 20 abestiak hemen.
Ingelesez emititzen den gure irratsaioa bost kontinenteetan emititzen hasi zen 2009an. Radio Televisión Española eta British Councilaren arteko ekoizpen amankomuna da eta horren bidez Erresuma Batuko proiektu kultural onen berri ematen da ingelesez.
Entzun eta izena eman bere podcastean hemen.
Ikusi hemen musika alorrean nazioarte mailan egin dugun lana.
Espainiar eta britaniar argitaletxe industriako profesionalekin lan egiten dugu britaniar letrak urtean zehar sustatzeko zuzeneko jarduera zein online jardueren bidez.
Esparru horretan egiten dugun lanaren adibiderik esanguratsuena azken hamarkadan Segoviako Hay Festivalarekin burutu izan dugun lankidetza dugu. Irakurri HAY Festival 2015aren kronika hemen.
Gainera, gure nazioarteko Literatura web guneak burutzen ditugun jarduera eta proiektuen berri ematen du eta, gainera, Erresuma Batuko literatur eta argitalpen munduko albisteak eta mundu mailan diren festibalen direktorio bat ere aurki daiteke bertan. Horretaz gain, ikasgelan lan daitezkeen baliabideak ere aurki ditzakezu (lanak, idazleak eta egungo britaniar literaturan azaltzen diren gaiak).
Britaniar arte plastikoen berri ematen dugu jarduera eta ekintze desberdinen bidez: erakusketa ibiltariak, tailerrak, mintegiak eta hitzaldiak.
Era berean, herrialde osoko gune kulturaletarako ad-hoc proiektuak ere garatzen ditugu.
Arte bisualak interesekoak badituzu, britaniar 8500 arte lan baino gehiago dituen gure bilduma ere bisita dezakezu.
British Councileko zinema lantaldeak britaniar zinemagileen sortze-lanak publiko berriei eskaintzen dizkie, mundu osoan zehar britaniar zazpigarren artearen berrikuntza, aniztasuna eta bikaintasuna erakutsiz eta hartu-eman sortzaileetarako aukerak bilatuz.